豪情今晚夜

集合2檯麻雀腳的人數，除出打番八圈之外，我地咁搞法都相信係可一不可再既盛會。

因為有J的張羅打點，本來一場普通的秋夜bbq，突然超級豪情起來。



你睇，我地又有巨型虎蝦又有北海道帶子，夠勁未？多得J與各位麻雀腳，終於在燒烤爐上搭建出一個燒烤架，再由「大廚J」身水身汗傾情處理。

隻蝦咁大，成呎長咁滯，如查某人所說，真係同我手臂差唔多長咋！隔離食啤酒蝦都咦嘩鬼叫，我地隻「手臂蝦」一出，立即拋離幾條街啦！虎蝦絕非普通貨，係西餐廳3舊幾水起一個main course果款蝦，蝦肉鬼咁新鮮彈牙，蝦頭仲有膏添架，即燒即食真係過癮，加埋泰式香料汁，好正呀，開心過去食西餐！

帶子加上蒜蓉一起燒，鮮味盡出，睇住帶子在蓋上自煮水滾，真係好想撲上去先飲左啖帶子！帶子固然好味，後來有些燒得焦一點的，帶子裙邊燒得很有咬口，淡淡焦香，正！



小妹坐埋一二邊坐享其成，開心到爆！食物酒水連租爐每人埋單2百幾，有2蝦2帶子，飽滿得不能起身離場，坐係燒烤場睇左好耐電視先行得郁！J，呢餐咁勁，以後的BBQ活動仲可以點搞呢？無以為繼呀。