見鬼2

自從那次遇鬼事件之後，我明白我這生是遭到咀咒的，見鬼之事仍常發生，小事都沒有上來報到，免得朋友嫌我囉嗦，但近來見鬼次數實在嚴重呀，實在希望同大家分享下！

其實早兩三個月已預知見鬼一事嚴重，九月時見甘泉航空來回溫哥華連稅才6千多，心諗，好抵！心想年尾有gratutity，cover到啦！立即決定！但然後，事隔不足一星期，甘泉竟然再做promotion...然後到cathay都有優惠...我決定不去研究細節，我付了錢的東西應該是最抵的！不是最抵也總會比其他推廣價的terms好！哼！

十月去武夷山旅遊，雖然請不起爸爸媽媽，幾十歲人，好歹也要出自己的一份啦。本來research期間的團費都是只是千多圓，心想，到大陸的風景旅遊點也沒有甚麼消費，3千多元可以埋單啦！點知...最後報了豪華團，淨團費都已3千！不過酒店質素很高，又泳池又spa又溫泉，其實也是花得高興的。加些小費及駛費，埋單4700。

溫哥華之旅可謂洗濕個頭，pre trip都駛好多啦，白色聖誕，欣賞美好風景的首要條件是要有足夠的溫暖衣服，好，趁columbia減價就去買外套先！盛惠1500，又打算去滑雪，所以找了很久，買了比較便宜的滑雪褲，盛惠500。滑雪勝地Whistler，在佳節的peak season當然好貴，早前research一晚房租最低要800CAD，即6400港元....嘩！夠我們二人去威尼斯人2-3次啦！被鬼嚇一嚇，一心打算慳慳地即日來回，回到溫哥華住宿好了。但前兩日手痕再上網找找，突然發現聖誕夜有319CAD的房間(約2600港元)，好抵！so happy！心情大亂立刻又扑鎚，但加埋登山證加稅，每人都要445CAD(約3600港元)，算是便宜了啦，唉。算吧，這是我第一個白色聖誕，豪些希望玩得開心些吧！

小計如下︰
溫哥華機票6500
武九山之旅5000
溫哥華置裝2000
Whistler住宿3600
總數︰17100

天呀，我份grad先得果萬六蚊左右咋！已爆煲！仲未計幾千蚊稅及溫哥華駛費，這個trip用幾多錢，真的，由於未知物價如何，同埋江湖傳聞不會有很多shopping(但誰知呢？或者shopping mall買唔到，發神經在小店又可買一餐。哈)所以暫時都未有預算。鑑於由9月起的慳錢計劃都沒有甚麼成效，而且公司微波爐壞了，連帶飯呢招健康慳錢法都用不著，所以，我決定......都係駛得開心d啦！現在一街都係聖誕大減價，好想買呀！護膚品差唔多用晒，又想趁低價吸納兩件衫，仲有各大朋友生日與聖誕聚會！好野！收到賬單再算！yeah！