那種為世所迫不敢去愛，那種錯失機遇，沒膽追求或接受，尋常百姓也多多少少體驗過吧。
愛人是甚麼性別，絕不重要，那種實實在在的愛，遇上了就是註定了，就算是怪獸，也沒可能躲避。
我想，主角們寧願沒相遇。
遇不到眼不見為淨，結婚育兒，平平淡淡又是一世。
但見過真愛，還能回頭嗎？
人生到底追求甚麼？
是真愛理想，還是安穩而相對風浪較少的生活？
太多兩難的選擇，而很多人生，無論選那一邊，都會對失去機會的那方懷念牽掛。
我總不信，若jack還在，ennis還會作出承諾嗎…
回憶、惆悵與內疚交纏，藏在心底，可怎辦。
總要到不能回頭才能悔疚，總是人的弱點。
這些情意往往最能觸動我。
拍攝技巧又是一流，看似平淡的畫面，風光是明媚，顏色是艷麗；但沒有華麗舖張的場面，簡簡單單沒甚麼花巧，整體感覺竟是這般好。
只看了一次，沒看出原由，是演技是眼神的情嗎？
是那座寧靜出世的山嗎？
是音樂嗎？
是節奏嗎？多麼難掌握與理解的一種電影技巧！
沒看過原註，不知就此收筆，眼淚還在放肆，卻突然出字幕，尷尬。
帶著沉重與惆悵的感覺離場，還嵌在心中久久未能平復。
斷背山，確是近期震撼心靈的電影
4 comments:
睇完斷背山，我卻不停思索一件事。同志與女人結婚了，但不是真心愛她，心中思念另一個男人。
是不是世間因為道德標準來懲罰了一對同性戀人，再用"身是她，心卻不是她"來懲罰另一個人?
是一種世人的因果報應嗎?
你係咪真係想聽？我睇睇埋埋咁多newage野，真係唔多唔少有d咁既諗法架。
好多野真係整定，如果一個人無乜awareness要去上進要去改變，就會變成「條命係咁，我都無辦法架」...
我都信，有好多野係幾萬野事交織而成，無單一原因既。
我唔信ernis有心"害"佢老婆，對佢其實都有感情，不過唔係最愛lor.
真係愁。
改變只能改變個人的命運，但因果報應的旋渦依舊在轉。能不能可以跳離這個旋渦嗎?
是不是要先放棄便可得到未來一切，抱擁便只有這刻?
最愁是"我不殺伯仁，伯仁卻因我而死"，如何去面對呢個已死的伯仁卻是一件最麻煩的事~
1. 根據用我有限知識，跳得出係難既。但係咁喎，舉例說，有個人出生星盤顯示好大機會會被伴侶騙財。知道呢d野，有人會唔理，發生左就話你準(which is我想所有預測者都唔想你因為咁讚佢)；有d人會努力d, 例如學習帶眼識人，例如學下理財，如此類推。真係到有呢件事來臨時，會因為之前的努力，傷害減少。例如呃極可能都心甘命低借佢做生意果十幾萬，唔算要生要死，起碼仲有層樓住，除左無左一舊養老積蓄都仲算生活正常。所以個人決定係可以改變命運既表現方法；個框框卻始終係度。
2. 放棄與抱擁這刻，我覺得係個人選擇。我成日覺得，做事唔好後悔就已經好好，當自己揀岩。成日事後諗來諗去，真係好無謂，只令自己唔高興，何苦？最多都係俾自己反思，learn a lesson.
3. 我好自私，如果自己都唔開心，我會handle左自己先，伯仁我會盡力擺平。人生在世，都係自己重要d. 不過我諗，如果我係ennis, 可能都係咁上下，ennis明顯連自己都擺平唔到，唔知點算，所以咁對alma，算正常。講埋，如果我係alma, 若我扮到隻眼開隻眼閉就好lor。好彩我唔怕我另一半的外遇對象是男是女，只handle婚外情一事已較簡單。當然都好唔好遇到啦。唉。alma真係好傷, 陰功
Post a Comment