搬，還是不搬？

這個月都在忙搬屋，不是自己的，是他家人的。其實我也沒有幫上甚麼忙，只是多了很多睇樓、睇家具的活動；執屋呀、安排搬屋的體力勞動工作，都是只是由他全力處理。

他家人搬家，於是我們又要考慮是否搬到附近，方便照顧即將出世的BB。但樓價好鬼貴呀！炒到咁鬼高，小市民點樣買樓呢？所以或者都係睇租盤啦。但幾時搬又是煩惱的問題，12月BB就要出世啦，我本來打算趁未生搬埋附近，方便他家人湊B (遲些我產假後復工將會由他們幫忙照顧BB)；但我媽就認為不好，認為動到胎氣喎……所以一係就入醫院那幾天搬，一係再遲d。入院那幾天搬，一來難預時間，二來大家忙搬屋忙生仔，真係好唔得閒！恐怕家人們唔係好得閒黎探我！但如果生左先搬，又要坐月又要湊b，咪好鬼忙？到時心情因荷爾蒙影響，總是差啦，還要湊仔還要執屋，真會煩死呀。若11月搬則應該不那麼忙，也可以乘機不用再執現時住的這間屋，直接構思新屋點樣分配位置就可。

唉頭痕呢~