呻吟

* 考左CRE，appitude test竟然做唔晒…明明幾十年前考ao/eo果時，呢份係做得最開心兼游刃有餘架…我個腦一定down grade左，灰。講真，考唔到會暫且放下，我反正越來越唔想做公務員，約滿努力搵下工好過；何況，我做緊的rank都未解凍請番長工。
* 唱k真係減壓妙方，羅起支咪就立即乜都唔記得，死唱爛唱好鬼爽。呢班k腳又好鬼好玩、好投入，次次氣氛一流，又唱又跳彷彿重回十幾歲年代…auntie立即慳番幾盒靜心。歌路又岩呢下更係bonus，唔係個個朋友都唱舊歌架。謝謝你們送左個快樂之夜俾我，及時開心番晚，人都無咁緊張。
* 與友人合作問題上得到更佳的互相理解，安樂晒，希望那些project能做得更好！
* 手痕r爛面聽人講笑講得多，原來真係得架…我右邊面傷了一小塊，雖小，但都有五毫子咁大，傷口表面呈深紅色開始結焦，親友紛紛嚇我搞不好會發炎及含膿…撞鬼羅！我有頭有面架！點出來行！而且，因為要保護災區，我不敢做mask(well，不能否認上兩星期確係懶做，算是前因後果)，臉上開始起小粒粒…再發展下去，不堪想像。希望災區儘快穩定，並且今晚跟據朋友介紹，貼塊膠布覆蓋災區再做mask。或陣間去無印平平地執一set 防敏感用品，希望對災區無咁大刺激。